"Awıl xojalıǵı qáwip-qáterlerin qamsızlandırıw mexanizmin nátiyjeli shólkemlestiriw haqqında"ǵı Prezident Pármanı (PP-223-sanlı, 21.11.2025 j.) qabıl etildi. (https://lex.uz/uz/docs/-7851947)
✅ Pármanǵa bola, awıl xojalıǵı qamsızlandırıw sistemasın engiziwdiń tiykarǵı maqsetleri etip tómendegiler belgilendi, atap aytqanda:
Tábiyǵıy hám texnogen apachılıqlar, órt, zıyankesler hám kesellikler tásirinde ósimlik hám haywanlarǵa jetkerilgen zıyanlardı qaplap beriw;
🔹 awıl xojalıǵı ónimlerin islep shıǵarıw kólemin 2030-jılǵa shekem basqıshpa-basqısh 20 procentke arttırıw hám awıl xojalıǵı ónimlerin islep shıǵarıwshılardıń qáwip-qáterlerin azaytıw.
️Pármanǵa bola, Awıl xojalıǵı qamsızlandırıw qorı shólkemlestiriledi.
✔️ 2026-jıldan awıl xojalıǵı ónimlerin islep shıǵarıwshılar ónim jetistiriw ushın jeńilletilgen kreditlerden paydalanǵanda islep shıǵarılatuǵın ónimniń joǵalıw qáwpin aldın ala qamsızlandırıw basqıshpa-basqısh ámelge asırıladı.
️ Klaster, fermer xojalıqları hám basqa da awıl xojalıǵı kárxanalarınıń jeńilletilgen kreditler boyınsha qarızdarlıqları awıl xojalıǵı qáwip-qáterlerin qamsızlandırıw shártnaması boyınsha qaplanbaydı.
✅ Sonday-aq, 2025-jıl juwmaǵına shekem Awıl xojalıǵı qamsızlandırıwı málimleme sisteması iske túsiriledi.
O'z
Qq
Ру
En