2022 jıl 13 may kúni Qaraqalpaqstan Respublikası agroxızmetler orayı Qaraqalpaqstan diyqanshılıq ilimiy-izertlew institutı ilimpazları menen sheriklikte, Instituttıń tájiriybe atızında Shımbay rayonınıń 20 dan aslam fermer hám diyqan xojalıqları qatnasıwında «Qaraqalpaqstan shárayatında paxta yegilgen atızlarda kultivaciya jumısların alıp barıw, paxtanı birlew hám basqa agrotexnikalıq is-ilájlar boyınsha» ilimiy-ámeliy oqıw seminarı shólkemlestirildi. Seminardı S.Shamshetov ashıp berip, awıl xojalıq texnikaların máwsimge tayarlaw hám agrotexnikalıq is-ilájların óz waqtında hám durıs shólkemlestiriw tiyisliligi boyınsha kórsetpeler berip ótti. Seminar dawamında Institut ilimpazları tárepinen paxtanı jetistiriw agrotexnologiyaları hámde jawınnan keyingi ámelge asırılatuǵın agrotexnikalıq is-ilájlar boyınsha seminar qatnasıwshılarına ilimiy tiykarlanǵan usınıslar berildi.
Seminar sońıńda Oray direktorı S.Shamshetov Qaraqalpaqstan diyqanshılıq ilimiy-izertlew institutı janındaǵı biolaboratoriyada bolıp, Shımbay rayonı fermer hám diyqan xojalıqlarına paxta hám basqa awıl xojalıq yeginlerinde ushıraytuǵın zıyankeslerge qarsı gúresiwde usı laboratoriyada jetistirilip atırǵan entomofaglardan (trixogramma, altınkóz, brakon) qollanıw boyınsha ilimiy tiykarlanǵan usınıslar hám kórsetpeler berdi.
O'z
Qq
Ру
En