2022 jıl 11 may kúni Nókis rayonıńdaǵı Dán hám shalı ilimiy islep shıǵarıw birlespesinde «2022 jıl zúrááti ushın tuqımgershilik maqsetinde egilgen paxta maydanların dala aprobaciya kóriginen ótkeriw» boyınsha kórgizbeli seminar shólkemlestirildi. Seminar Joqarı Keńestiń agrar, suw xojalıǵı hám tabiyattı qorǵaw komiteti raisi (D.Utambetov), Qaraqalpaqstan Respublikası Ministrler Keńesi raisiniń orınbasarı (D.Qaypov), Qaraqalpaqstan Respublikası Awıl xojalıǵı ministri (Z.Ziyadullaev), Qaraqalpaqstan Respublikası agroxızmetler orayı direktorı (S.Shamshetov), Agrosanoat kompleksi ústinen qadaǵalaw inspekciyası Qaraqalpaqstan Respublikası basqarması baslıǵı (A.Yuldashev), Tuqımgershilikti rawajlandırıw orayı MKnıń Qaraqalpaqstan Respublikası aymaqlıq basqarması baslıǵı (S.Sabirov), Agrosanoat kompleksinde xızmetler kórsetiw orayı MUKnıń Qaraqalpaqstan Respublikası filialı baslıǵı (I.Mamutov), Ósimlikler karantinı hám qorǵaw agentligi baslıǵı (A.Turdishev), «TILEKLES AGROXIMIKAT» JShJ baslıǵı (S.Ajiniyazov), Rayon xákimleri hám awıl xojalıǵı basqarmaları, aymaqlıq tuqım kárxanaları, paxtashılıq jónelisindegi 100 den artıq klaster hám tuqımgershilik xojalıqları direktorları qatnasıwında ótkerildi.
Seminardı Qaraqalpaqstan Respubilkası Ministrler Keńesi Baslıǵınıń orınbasarı D.Qaypov ashıp berip, Ózbekstan Respublikası Ministrler Kabinetiniń 2022 jıl 31 martta «azıq-awqat qáwipsizligi hám ishki bazarda bahalar turaqlılıǵın támiyinlew boyınsha qosımsha is-ilájlar haqqında»ǵı VM-147-sanlı qararındaǵı usı jılǵı paxtanı sapalı jıynap alıw hám saqlaw máseleleri boyınsha toqtalıp, tiyisli hámeldarlarǵa tapsırmalar berdi. Seminar dawamında S.Shamshetov sózge shıǵıp, AKIStıń wázıypa hám funkciyaları, awıl xojalıǵında ilim hám innovaciyalardı tuqımgershilik xojalıqlarına jetkeriwdegi ornı haqqında toqtalıp, tuqımgerlik paxtanı tárbiyalaw agrotexnologiyaları, kesellik hám zıyankeslerge qarsı óz waqtında gúresiw is-ilájları hámde pisip jetisken paxtanı sapalı jıynap alıw hám saqlaw jumısların shólkemlestiriw boyınsha usınıslar berdi. Sonday-aq, seminar dawamında orayımız tárepinen paxtanıń osiwi hám rawajlanıwında, kesellik hám zıyankeslerge qarsı gúresiwde qollanılatuǵın gerbicidler, insektoakaricid, fungicid hám biostimulyatorlar kórgizbe qılınıp, qollaw tártibi hám múddetleri haqqında usınıslar berildi.
O'z
Qq
Ру
En