2022 jıl 23 aprel kúni “Oraylıq Aziya mámleketleri universitetleriniń ekstenshn orayları jergilikli tarmaǵında tájiriybe almasıwın hám agrobiznes hámde awıl xojalıǵın júrgiziw ámeliyatında hayal-fermerlerdiń bilim hám kónikpelerin jaqsılaw” joybarı sheńberinde seminar-trening shólkemlestirildi. Seminarda Qaraqalpaqstan Respublikası agroxızmetler orayı direktorı S.Shamshetov hám qánigeleri, bir qatar ilimpazlar hámde hayal-fermerler qatnastı.
Ilajdi Oray direktorı S.Shamshetov ashıp berip, ilaj qatnasıwshılarına AKIStiń awıl xojalıǵı tarawında iyelegen ornı hám áhmieti, onda kórsetiletuǵın xızmetler haqqında keń maǵlıwmat berdi. Onnan keyin, ilajdi oraydıń bas qánigesi Sh.Saginbaeva óziniń «Agroturizm – agrobiznestiń aktual jónelisi» temasındaǵı lekciyası menen dawamladı.
Seminar-trening dawamında professor I.Normuratov «Miywe-palızshılıq hám júzimshilik» boyınsha hayal-fermerlerge ámeliy usınıslar berdi. Bunnan tısqarı qatnasıwshılarǵa professor J.Xudayqulov tárepinen «Soya ósimliginiń áhmieti hám jetistiriw texnologiyası» boyınsha ilimiy tiykarlanǵan usınıslar, sonday-aq soyanı qayta islew jolları hám onıń nátiyjesinde alınatuǵın ónimler haqqında maǵlıwmatlar berildi.
Soń, seminar-trening qatnasıwshıları ózlerin qızıqtırǵan sorawlarına ilimpazlar hám qánigeler tárepinen tiyisli juwaplar aldı.
Seminar-trening aqırında qatnasıwshılar sertifikat benen sıylıqlandı.
O'z
Qq
Ру
En