Qanlıkól rayonı Sarı altın APJ aymaǵındaǵı Bereketli Sarı altın fermer xojalıǵında "2026-jıl zúrááti ushın egilgen ǵálle maydanlarında búgingi kúnde ámelge asırılatuǵın agrotexnikalıq ilajlar" atamasında seminar shólkemlestirildi.
Seminar usı aymaqtaǵı fermerlerdiń qatnasıwında ótkerilip, QR AKIS orayınıń qánigesi N.Nurımbetov tárepinen fermerlerge gúzgi biydaydıń jaǵdayı, rawajlanıw fazası, aymaqtıń topıraq-ıqlım sharayatlarına qarap jıllıq azotlı tóginler normasınıń 35-40 procentin beriw, qosımsha azıqlandırıw hám aldaǵı ámelge asırılatuǵın agrotexnikalıq ilajlar boyınsha usınıslar berildi.
Seminar dawamında Qaraqalpaqstan Respublikası AKIS orayınıń ilimiy-izertlew institutları menen birgelikte gúzgi biyday tárbiyası boyınsha islep shıǵılǵan ilimiy tiykarlanǵan usınısları fermerlerge tarqatıldı.
O'z
Qq
Ру
En