Usı jıldıń 20-21-yanvar kúnleri Qaraqalpaqstan awıl xojalıǵı hám agrotexnologiyalar institutında barlıq rayon fermer xojalıqları basshıları ushın oqıw-seminar bolıp ótti.
Seminar Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri komiteti baslıǵı A.Jumanazarov hám Qaraqalpaqstan Respublikası Awıl xojalıǵı ministriniń birinshi orınbasarı A.Xalimbetov basshılıǵında QR AKIS orayı, rayon hákiminiń awıl hám suw xojalıǵı máseleleri boyınsha orınbasarları hám rayonlıq awıl xojalıǵı bólimi qánigeleri, fermer xojalıǵı basshılarınıń qatnasıwında ótkerildi.
Seminar dawamında awıl xojalıǵı tarawınıń ilimpazı, professor-oqıtıwshılar tárepinen eksportqa qolaylı awıl xojalıǵı ónimlerin jetistiriw, eksportqa qolaylı eginlerge qoyılatuǵın karantin talapları, eginlerdi saqlaw, qayta islew, shártnamalar dúziw, ishki hám sırtqı bazarǵa shıǵarıw boyınsha maǵlıwmatlar berildi. Sonday-aq, ǵawashanı tárbiyalawda qollanılatuǵın agrotexnikalıq ilajlar, dástúriy emes tóginlerdi qollanıw, aymaǵımızǵa alıp kelinip atırǵan paxta teriw mashinalarınıń sıpatlaması hám paxtanı mashina menen terip alıwdaǵı talaplar haqqında toqtap ótildi.
Ilajda fermer xojalıqları tárepinen ózlerin qızıqtırǵan sorawlarǵa juwaplar alındı hám pikir-usınıslar bildirildi.
O'z
Qq
Ру
En