Ózbekstan Respublikası Prezidentiniń
09.12.2025-jıldaǵı "Paxta hám ǵálleshilikte zúráátlilikti arttırıw ushın joqarı nátiyjeli intensiv agrotexnologiyalardı qollanıwdıń qosımsha ilajları haqqında"ǵı PQ-370-sanlı qararınıń 2-bántinde
2026-jıl óniminen baslap:
(a) topıraqtıń bir bonitet ballına salıstırǵanda normativ ónimdarlıqqa (centner/gektar) 0,7 koefficientti qollanǵan halda paxta shiyki zatın jetistiriw ushın jeńilletilgen kreditler ajıratıladı. Bunda jeńilletilgen kreditlerdiń 0,6 koefficientten artqan bólegi ushın likvidli girew támiynatı usınıladı;
(b) paxta jetistiriwde agrotexnikalıq ilajlardı ámelge asırıw, sonıń ishinde, plyonka hám tamızǵıshlı shlanglardı satıp alıw qárejetleri jeńilletilgen kreditler esabınan ámelge asırıladı. Bunda:
(i) jeńilletilgen kreditler Awıl xojalıǵın mámleket tárepinen qollap-quwatlaw qorınıń resursları esabınan kommerciyalıq bankler arqalı hár jılı yanvar - avgust aylarında ajıratıladı;
(ii) Awıl xojalıǵı ministrligi hár jılı 1-oktyabrge shekem (2026-jıl ushın 2026-jıl 15-yanvarǵa shekem) kelesi ónim jılı ushın aymaqlardıń topıraq-klimat sharayatı hám agrotexnikalıq ilajlardıń múddetlerin esapqa alǵan halda qárejetlerdiń normaları boyınsha agrotexnikalıq kartalardı tastıyıqlaydı;
(v) jıl dawamında jeńilletilgen kredit limitiniń 50 procentine shekemgi bóleginen paydalanǵan paxta jetistiriwshi fermer xojalıqlarına belgilengen tártipte satılǵan paxta bahasınıń 5 procenti muǵdarında subsidiya ajıratıw sisteması engiziledi. Onda fermer xojalıqları minimal ónimdarlıq boyınsha talaplardı orınlawı shárt.
O'z
Qq
Ру
En