"Paxta hám ǵálleshilikte ónimdarlıqtı arttırıw ushın joqarı nátiyjeli intensiv agrotexnologiyalardı qollanıwdıń qosımsha ilajları haqqında"ǵı Prezident qararı (PQ-370-sanlı, 09.12.2025 j.) qabıl etildi.
Qararǵa bola, tómendegiler 2026-jıl ushın tiykarǵı maqsetli kórsetkishler etip belgilendi, sonıń ishinde:
zamanagóy intensiv agrotexnologiyalardı keńnen engiziw nátiyjesinde zúráátlilikti paxtashılıqta 50 centnerden, ǵálleshilikte 100 centnerge jetkeriw;
ilim jetiskenlikleri hám ustaz-shákirt dástúrlerine tiykarlanǵan jańa sistemanı engiziw arqalı paxtashılıqta ónimdarlıqtı arttırıw.
2026-jıl óniminen baslap:
topıraqtıń 1 bonitet ballına salıstırǵanda normativlik ónimdarlıqqa (centner/gektar) 0,7 koefficientti qollanǵan halda paxta shiyki zatın jetistiriw ushın jeńilletilgen kreditler ajıratıladı. Bunda:
jeńilletilgen kreditlerdiń 0,6 koefficientten artqan bólegi ushın likvidli girew támiynatı usınıladı;
paxta jetistiriwde agrotexnikalıq ilajlardı ámelge asırıw, sonıń ishinde, plyonka hám tamızǵıshlı shlanglardı satıp alıw qárejetleri jeńilletilgen kreditler esabınan ámelge asırıladı. Bunda:
jeńilletilgen kreditler kommerciyalıq bankler arqalı hár jılı yanvar - avgust aylarında ajıratıladı;
jıl dawamında jeńilletilgen kredit limitiniń 50 procentine shekemgi bóleginen paydalanǵan paxta jetistiriwshi fermer xojalıqlarına belgilengen tártipte satılǵan paxta bahasınıń 5 procenti muǵdarında subsidiya ajıratıw sisteması engiziledi.
O'z
Qq
Ру
En