2025-jıl 1-noyabr kúni Qanlıkól rayonı Altınkól APJ aymaǵındaǵı Aqsingúl fermer xojalıǵında Ózbekstan Respublikası Prezidentiniń 2025-jıl 27-yanvardaǵı PP-10-sanlı Pármanınıń orınlanıwın támiyinlew maqsetinde shólkemlestirilgen "úlgili atız" maydanında seminar bolıp ótti.
Seminar Awıl xojalıǵında bilim hám innovaciyalar milliy orayınıń Qaraqalpaqstan Respublikası agroxızmetler orayınıń qánigeleri, Dán hám salı ilimiy-óndirislik birlespesi laboratoriya baslıǵı U.Abillaev, rayonlıq agromaslahatshısı N.Nurımbetov hám fermerlerdiń qatnasıwında shólkemlestirilip, fermerlerge egilgen hár bir biyday sortınıń abzallıqları, vegetaciya dáwiri, zúráátliligi, azıqlandırıw múddetleri hám normaları, kesellik hám zıyankeslerge qarsı gúresiw usılları boyınsha maǵlıwmat berildi. Sonday-aq, búgingi kúnde (noyabr ayında) biyday jetistiriwde ámelge asırılatuǵın jumıslar boyınsha ilimiy tiykarlanǵan usınıslar berildi.
Seminar dawamında fermerler ózlerin qızıqtırǵan sorawlarına ilimiy tiykardaǵı juwaplar aldı.
O'z
Qq
Ру
En