28-oktyabr kúni Qaraqalpaqstan Respublikası agroxızmetler orayı Beruniy rayonlıq agromesgóyi A.Kazakbaev tárepinen Tınıshlıq APJda jasawshı puqara Ametov Pwlattıń pal hárreshilik kompleksinde taraw qánigeleri, fermer hám puqaralar qatnasıwında "Pal hárreshilikti rawajlandırıw" boyınsha kórgizbeli seminar shólkemlestirildi.
Seminarda fermer hám puqaralarǵa pal hárreshilikti rawajlandırıw boyınsha Prezident hám Húkimet qararlarınıń mazmun-mánisi, jeńilletilgen kredit hám subsidiyalar haqqında maǵlıwmat berildi. Sonday-aq, pal hárresin tárbiyalawda búgingi kúnde ámelge asırılatuǵın jumıslar, azıqlandırıw, hár qıylı zıyankesler hám keselliklerden saqlaw, aldın alıw, emlew hám qıslawdan aman alıp shıǵıw boyınsha usınıslar berildi.
Seminar juwmaǵında fermer hám puqaralarǵa pal hárresin baǵıw boyınsha usınıslar tarqatıldı.
O'z
Qq
Ру
En