Ózbekstan Respublikası Prezidentiniń "Shańaraq hám hayal-qızlardı qollap-quwatlaw sistemasın bunnan bılay da jetilistiriw ilajları haqqında"ǵı 2025-jıl 14-marttaǵı PQ-103-sanlı qararında hayal-qızlardı isbilermenlik kónlikpelerin qáliplestiriw boyınsha temir dápter jáne hayal-qızlar dápterinde dizimde turıwshı jumıssız hayal-qızlarǵa awıl xojalıǵı tarawında seminarlar shólkemlestiriw belgilengen.
25-oktyabr kúni Kegeyli rayonında Ózbekstan Respublikası Bas ministriniń orınbasarı - Shańaraq hám hayal-qızlar komitetiniń baslıǵı Z.Mahkamova, Qaraqalpaqstan Respublikası Ministrler Keńesi baslıǵınıń orınbasarı M.Ahmedova, rayon hákimi A.Kamalov hám Qaraqalpaqstan Respublikası agroxızmetler orayınıń qánigeleri basshılıǵında "Temir dápter" hám "Hayal-qızlar dápteri"nde dizimde turıwshı jumıssız hayal-qızlarǵa awıl xojalıǵı tarawında tut jetistiriw, nál jetistiriw, tuqımgershilik boyınsha ilimiy-ámeliy seminar shólkemlestirildi.
Seminarda juwapkerler "Qumshúngil" APJ aymaǵında shólkemlestirilgen 5 gektar maydanda nál jetistiriw joybarı menen tanısıp, joybar 25 hayal-qızlardıń bántligin támiyinlew hám olardıń dáramat dáregin jaratıwǵa qaratılǵanlıǵın atap ótti.
Seminar dawamında QR AKIS orayınıń qánigeleri tárepinen nál egiwge jerdi tayarlaw (suwǵarıw, jerdi súriw, tóginlew), nállerdi egiwge tayarlaw, egiw hám tárbiyalaw usılları boyınsha usınıslar berildi.
Seminar juwmaǵında hayal-qızlarǵa tut nállerin jetistiriw boyınsha usınıslar tarqatıldı.
O'z
Qq
Ру
En