2025-jıl 20-oktyabr kúni QR AKIS orayı tárepinen Taxtakópir rayonındaǵı "Kausar tegirmon" JShJda Sharwashılıqtı kompleksli rawajlandırıw boyınsha taraw qánigeleri hám fermerlerdiń qatnasıwında seminar shólkemlestirildi.
Seminarda dáslep sút baǵdarındaǵı násilli qaramallardı saqlaw, azıqlandırıw, azıqlıq bazasın jaratıw (jamǵarıw), kesellikleriniń aldın alıw hám óz waqtında shanshıw boyınsha usınıslar berildi
Soń fermerlerdi sút hám sút ónimlerin islep shıǵarıw cexındaǵı sterilizaciya hám pasterizaciya, gomogenizaciya, fermentaciya processlerinde hám qadaqlawda qollanılatuǵın úskeneler menen tanıstırıldı.
Sonday-aq, fermerlerge sút hám sút ónimlerin islep shıǵarıwda paydalanılatuǵın ásbap-úskenelerdi satıp alıwda ajıratılatuǵın jeńilletilgen kreditler hám subsidiyalar boyınsha maǵlıwmatlar berildi.
Seminarda fermerler sharwashılıqtı kompleksli rawajlandırıw, sút hám sút ónimlerin islep shıǵarıw boyınsha ózlerin qızıqtırǵan sorawlarına tolıq juwap aldı.
O'z
Qq
Ру
En