---

Biochar hám Jivamrit tayarlaw boyınsha kórgizbeli seminar ótkerildi

---

Biochar hám Jivamritti tayarlaw hám qollanıw boyınsha dala seminarı bolıp ótti

✅9 sentyabr kúni Qaraqalpaqstan Respublikası agroxızmetler orayı tárepinen Kegeyli rayonında jaylasqan M.Mirzaev atındaǵı Baǵshılıq, júzimgershilik hám vinoshılıq ITIniń Qaraqalpaq ITS tájiriybe xojalıǵında Biochar hám Jivamrit (suyıq bio-túgin) tayarlaw hámde qollanıw boyınsha kórgizbeli dala seminarı ótkerildi. Seminar Shımbay, Kegeyli, Nókis rayonındaǵı agromaslahatshılar hám fermerlerdiń qatnasıwında shólkemlestirildi.

✅ Seminarda qánigeler tárepinen fermerlerge Biochar hám Jivamritti tayarlaw hám qollanıw boyınsha ámeliy kórsetpeler berildi. Bul innovaciyalıq kózqaraslar fermerlerge sapalı hám joqarı zúráát alıwǵa, ximiyalıq tóginlerden paydalanıwdı azaytıwǵa, organikalıq ónim jetistiriwge, topıraq ónimdarlıǵın arttırıwǵa úlken járdem beretuǵını atap ótildi.

✅ Seminar sońında fermerlerge Biochar hám Jivamritti tayarlaw hám qollanıw boyınsha usınıslar tarqatıldı.

---