---

---

📈Xızmet kórsetiw jáne de rawajlandırıladı

✅Qaraqalpaqstan Respublikası agroxızmetler orayı hám BMSh Rawajlanıw baǵdarlamasınıń Qaraqalpaqstandaǵı wákilxanası 2022-jıldan berli awıl xojalıǵında jaratılǵan ilimiy qollanbalardı jáne de keńnen engiziw, tarawǵa innovaciyalardı alıp kiriw, xalıq hám fermerlerdiń bilimin arttırıw jáne xızmet kórsetiw baǵdarlarında keń kólemli birge islesip kelmekte. Birge islesiw sheńberinde xızmet kórsetiwdi bunnan bılay da rawajlandırıw maqsetinde dala sharayatında paydalanıw ushın zárúr bolǵan zamanagóy kóshpeli (mobil) laboratoriya ásbap-úskeneleri alıp kelingen.

🔰Usı jıldıń 28-avgust kúni Qaraqalpaqstan Respublikası agroxızmetler orayı tárepinen BMSh Rawajlanıw baǵdarlamasınıń Qaraqalpaqstandaǵı wákilxanası menen birgelikte usı zamanagóy mobil laboratoriya úskenelerinen paydalanıw tártipleri boyınsha rayonlıq agromásláhátshileri ushın seminar-trening shólkemlestirildi.

▶️Seminar-treningte qánigeler tárepinen
✅topıraq analizindegi - ıǵallıq hám temperatura, azot, fosfor, kaliy, gumus muǵdarı, pH hám shorlanıw dárejesi
✅azıq-awqat analizinde - duzlar, nitratlar hám pH dárejesin anıqlawda
qollanılatuǵın mobil laboratoriya ásbap-úskenelerdıń sıpatlaması, wazıypası, paydalanıw usılları, reagentlerdi qollanıw tártipleri boyınsha tolıq maǵlıwmat berildi.

🟢Seminar-trening dawamında rayon agromásláhátshileri keleshekte awıl xojalıǵı subektlerine xızmet kórsetiw procesinde atız sharayatında topıraq, suw, azıq-awqat analizin ótkeriw boyınsha túsinik hám kónlikpelerge iye boldı.

---