Ózbekstan Respublikası Ministrler Kabinetiniń Agrar hám azıq-awqat tarawların rawajlandırıw máseleleri kátibiyatı basqarıwshısı T. Rapikov 2022-jıl 18-mart kúni tastıyıqlaǵan “Erte báhárde 2022-jıl ónimi ushın yerte piser yeginler yegiwdi shólkemlestiriw boyınsha jumısshı gruppalar Grafigi” hám Ózbekstan Respublikası Awıl xojalıǵı ministriniń birinshi orınbasarı Sh.Teshaev tastıyıqlaǵan “Erte báhárde 2022 jıl ónimi ushın yerte piser yeginler yegiwdi shólkemlestiriw ushın ilimpazlar gruppaları Quramı”na tiykarınan Qaraqalpaqstan Respublikası agroxızmetler orayı Qaraqalpaqstan Respublikası Ministrler Keńesi hám Awıl xojalıǵı ministrligi menen kelisilgen halda "Qaraqalpaqstan Respublikası shárayatında paxta, ǵalle, sobıqlı, maylı, ot-jem, texnikalıq, baw-baqsha, palız, kartoshka, miyweli baǵ hám júzim nállerin yegiw hám jetistiriw agrotexnologiyalari" temasında usı jıldıń 24-mart kúni (9:00 den 11:30 ǵa shekem) Qaraqalpaqstan dıyqanshılıq ilimiy-izertlew institutı, Dán hám salı ilimiy-islep shıǵarıw birlespesi, M.Mirzaev atındaǵı BJV III nıń QQ IIS, Qaraqalpaqstan awıl xojalıǵı hám agrotexnologiyalar institutı hám Mákkejúweri ilimiy tekseriw stanciyaları ilimpazları qatnasıwında onlayn oqıw-seminarı ótkizildi.
Onlayn oqıw-seminarı Qaraqalpaqstan Respublikası Ministrler Keńesi Baslıǵınıń orınbasarı D.Kaipov hám Qaraqalpaqstan Respublikası Awıl xojalıǵı ministri Z.Ziyadullaevlar qatnasıwında ilimpazlar sózge shıǵıp, Qaraqalpaqstan Respublikası shárayatında paxta, ǵalle, sobıqlı, maylı, ot-jem, texnikalıq, baw-baqsha, palız, kartoshka, miyweli baǵ hám júzim nállerin yegiw hám jetistiriw agrotexnologiyaları boyınsha túsindiriw hám máslahátların berdi. Seminarda barlıq rayon Awıl xojalıǵı bólimi basshıları hám tiyisli tarawdıń qánigeleri, rayon baǵshılık hám ıssıxana xojalıǵın rawajlandırıw agentligi basshıları, klasterler, dıyqan hám fermer xojalıqları basshıları qatnasıp, báhárgi yegiw jumısların ámelge asırıw boyınsha túsiniklerge iye boldı.
Sonıń menen birge, Qaraqalpaqstan Respublikası Ministrler Keńesi basshısınıń orınbasarı D.Kaipov hám Qaraqalpaqstan Respublikası Awıl-xojalıǵı ministri Z.Ziyadullaevlar rayon Awıl-xojalıǵı bólim baslıqlarına, alımlar tárepinen islep shıǵarılǵan qolaysız hawa-rayı sharayatında paxta, ǵalle, sobıqlı, maylı, ot-jemlik, texnik, baw-baqsha, palız, kartoshka, miyweli baǵ hám júzim nállerin yegiw hám jetistiriw agrotexnologiyaları boyınsha islep shıǵılǵan usınıslardı klaster, diyqan hám fermer xojalıqlarına jetkiziw boyınsha tapsırma berildi.
O'z
Qq
Ру
En