24-mart kúni QR AKIS orayı tárepinen BMSh Rawajlanıw baǵdarlamasınıń Qaraqalpaqstandaǵı wákilxanası menen birgelikte Awıl xojalıǵı konsaltingi hám agroisbilermenlikte kommunikaciya túsinigi temasında seminar-trening shólkemlestirildi.
Seminarda konsultant-trener tárepinen aymaqlarda seminar-trening ótkeriw ushın tarqatpa ilimiy usınısnama hám prezentaciyalar tayarlaw, trening dawamında fasilitaciya hám monitoring usılları, tarawdaǵı agrobiznesti rawajlandırıw, marketing hám huqıqıy tiykarlar boyınsha maǵlıwmatlar berildi.
Seminar dawamında rayonlıq agrokonsultantlar awıl xojalıǵında ilim hám óndiris integraciyasın támiyinlew maqsetinde konsalting hám kommunikaciya máseleleri boyınsha alıp barılıp atırǵan jumıslar, atap aytqanda, fermerlerge agrokonsalting beriw, agroisbilermenlikti rawajlandırıw, aymaqlarda seminar-trening shólkemlestiriw tártipleri boyınsha óz-ara pikir hám tájiriybeler almastı.
O'z
Qq
Ру
En