Taqıyatas rayonı Naymankól APJ aymaǵındaǵı "Artıqbay Tumaloq" fermer xojalıǵında Awıl xojalıǵında innovaciyalıq 100 baslama joybarı sheńberinde "Jivamrit hám bokashi tayarlaw hám qollanıw usılı" boyınsha kórgizbeli seminar shólkemlestirildi. Seminarǵa QR AKIS orayınıń qánigeleri, M.Mirzaev atındaǵı baǵshılıq, júzimgershilik hám vinoshılıq ITI Qaraqalpaq ITS ilimpazları, rayonlıq awıl xojalıǵı bóliminiń qánigeleri, fermer hám diyqanlar qatnastı.
Seminarda Taqıyatas, Xojeli hám Nókis rayonlarınıń agrar másláháchisi Sh.Kamalov tárepinen fermerlerge topıraq, suw, qumsheker, tezek, maldıń sidigi, bio tógindi jámlegen halda "Jivamrit hám bokashı" tayarlap kórsetildi hámde awıl xojalıǵında Jivamrit hám bokashınıń áhmieti hám qollanıw usılları boyınsha maǵlıwmatlar berildi. Seminar dawamında diyqan hám fermer xojalıqlarınıń basshıları ózlerin qızıqtırǵan sorawlarına juwaplar aldı.
O'z
Qq
Ру
En