Ózbekstan Respublikası Awıl xojalıǵı ministrligi tárepinen 2025-jıl 13-dekabrde tastıyıqlanǵan 01/26-2-221-sanlı "Is-ilajlar rejesi"niń orınlanıwı boyınsha Qaraqalpaqstan Respublikası Shomanay rayonında jaylasqan "Ran-omad" JShJda jaslardıń zamanagóy ıssıxanalar boyınsha bilimlerin arttırıw hám olardıń isbilermenlik kónlikpelerin rawajlandırıw maqsetinde oqıw seminarı ótkerildi.
Oqıw seminarında Awıl xojalıǵında bilim hám innovaciyalar milliy orayınıń Qaraqalpaqstan Respublikası agroxızmetler orayınıń qánigeleri hám Sabzavot, palız eginleri hám kartoshkashiliq ilimiy-izertlew institutınıń Qaraqalpaqstan Respublikası ilimiy-tájiriybe stanciyasınıń ilimpazları tárepinen jaslarǵa ıssıxana xojalıǵında mikroklimattı basqarıw (temperatura, ıǵallıq), tuqım egiw hám nál jetistiriw, tamshılatıp suwǵarıw hám tóginlew, vegetaciyanı basqarıw, ıssıxanada baqlanatuǵın kesellikler hám zıyankeslerge qarsı gúresiw usılları, aqıllı hám avtomatlastırılǵan ıssıxana texnologiyaları, ıssıxana qurıw, pomidor, qıyar, nál hám basqa da ovoshlardı jetistiriw hám bazarǵa jetkerip beriw boyınsha maǵlıwmat hám usınıslar berildi.
O'z
Qq
Ру
En