Búgin Qaraqalpaqstan awıl xojalıǵı hám agrotexnologiyalar institutı zalında Ózbekstan Respublikası Prezidentiniń 2025-jıl 3-noyabrdegi PQ-334-XDFU-sanlı hám 2025-jıl 31-oktyabrdegi PQ-322-sanlı qararları boyınsha belgilep berilgen jeńillikler, maqsetler hám tiykarǵı wazıypalardı jámiechilikke jetkeriw hámde Ózbekstan-Germaniya baǵdarlamasınıń wákilleriniń qatnasıwında Qaraqalpaqstan Respublikası agroxızmetler orayı, Veterinariya hám sharwashılıqtı rawajlandırıw komitetiniń rayon, aymaqlar qánigeleri hámde agro másláháchileri ushın "Zootexniya, veterinariya, ot-jem eginlerin jetistiriw, sharwa malların durıs azıqlandırıw hám ot-jem sapasın tallaw" temasında seminar-trening ótkerildi.
Seminar-trening Qaraqalpaqstan Respublikası Ministrler Keńesi Baslıǵınıń orınbasarı Sh.Teshaev, tiyisli ministrlikler, komitetler hám uyımlar, rayon hákimleriniń awıl hám suw xojalıǵı boyınsha orınbasarlarınıń qatnasıwında shólkemlestirildi.
Seminar-treningte dáslep, Qaraqalpaqstan Respublikası Ministrler Keńesi Baslıǵınıń orınbasarı Sh.Teshaev tárepinen Ózbekstan Respublikası Prezidentiniń 2025-jıl 3-noyabrdegi PQ-334-XDFU-sanlı hám 2025-jıl 31-oktyabrdegi PQ-322-sanlı qararları boyınsha belgilep berilgen jeńillikler, maqsetler hám tiykarǵı wazıypalar atap ótildi. Sonday-aq, tarawda jaratılǵan imkaniyatlardan nátiyjeli paydalanıw, innovaciyalıq resurs únemlewshi texnologiyalardı engiziw, sırt el tájiriybelerin úyreniw zárúr ekenligin atap ótti.
Bunnan soń Ózbekstan-Germaniya klimatqa shıdamlı awıl xojalıǵı boyınsha ekspertler qarım-qatnası baǵdarlamasınıń basshısı Anton Van Engelen - Zootexnika, Veterinariya, Sharwa malların durıs azıqlandırıw hám azıq-awqat sapasın tallaw boyınsha, Baǵdarlamanıń bas agronomı Saidahmad Sherimbetov - Ot-jem eginlerin jetistiriw boyınsha ilimiy bayanatlar berdi.
Seminar juwmaǵında Veterinariya hám sharwashılıqtı rawajlandırıw komiteti rayonlıq qánigeleri hám QR AKIS rayonlıq másláháchileri sırt el tájiriybesi hám innovaciyalar boyınsha ózlerin qızıqtırǵan sorawlarına juwap aldı.
O'z
Qq
Ру
En