Quyidagilar Agroxizmatlar markazining asosiy vazifalari hisoblanadi:
Qishloq xo‘jaligida bilim va innovatsiyalar tizimi (AKIS) konsepsiyasini amalga oshirish;
Yangi ilmiy ishlanmalar, innovatsiyalar hamda raqamli texnologiyalarni ishlab chiqarishga joriy etish;
Milliy markaz tizimidagi ilmiy-tadqiqot muassasalari bilan hamkorlikda qishloq xo‘jaligi tadbirkorlik sub’ektlariga hududlarda agro maslahat xizmatlarini ko‘rsatish, seminar-treninglar tashkil etish, ilmiy asoslangan tavsiya va xulosalarni berish;
Qishloq xo‘jaligida davlat va xususiy sektorni keng jalb etgan holda bilim, malaka va ko‘nikmalarning samarali almashinuvi hamda uzatilishini ta’minlaydigan milliy axborot va maslahat xizmatlari tarmog‘ini rivojlantirish;
Xududlardagi agromaslahat resurslarini muvofiqlashtirish va boshqarish;
“Agrobank” ATBning hududiy bo‘limi bilan birgalikda Agroxizmatlar markazi orqali mavjud infrastrukturadan unumli foydalangan holda integratsiyalashgan agromaslahat xizmatlarini tashkil etish;
Barcha hududlardagi dehqon va fermer xo‘jaliklarining ehtiyojlaridan kelib chiqqan holda ilmiy asoslangan agromaslahat xizmatlarini ko‘rsatishni yo‘lga qo‘yish;
Tuman agromaslahatchi xodimlarini tanlash, malakasini oshirish va faoliyatini muvofiqlashtirish;
Mahalliy ekspertlar bilan o‘zaro aloqada bo‘lib, joylarda maslahat va trening o‘quv-kurslarini tashkil etish;
Dala tajribalarini fermerlarga va tomorqa yer egalariga joyida namoyish etish hamda yangi texnologiya va vositalarni targ‘ib etish;
Innovatsion texnologiyalarni o‘z vaqtida va sifatli taqdim etilishini ta’minlash uchun hududlarda seminarlar tashkil etish, xorijiy va mahalliy ekspertlarni jalb etishga ko‘maklashish;
Tuman darajasida xizmatlar ko‘rsatishni boshqarish va nazorat qilish, ularning samarali monitoringini, baholashni, foydalanuvchilarning fikr-mulohazalarini va xizmatlarni doimiy ravishda yaxshilashni o‘rganishni ta’minlash.
Agroxizmatlar markazi Qishloq xo'jaligida bilim va innovatsiyalar milliy markaziga hisobot topshiradi.
O'z
Qq
Ру
En